ინტერვიუ - Международные инвестиции и аналитика – InternationalInvestment.biz​ https://internationalinvestment.biz/ka/ ka "ფასები გააგრძელებს ზრდას, თუმცა, არა აგრესიული, არამედ, ინფლაციის და ეკონომიკური ზრდის თანაბარი, ზომიერი ტემპით" - დეველოპერის პროგნოზი https://internationalinvestment.biz/ka/business/9017-.html https://internationalinvestment.biz/ka/business/9017-.html https://internationalinvestment.biz/business/9017-.html Sat, 31 Oct 2026 22:31:52 +0300 index თბილისში უძრავი ქონების გაძვირების მიზეზებზე, ტენდენციებსა და პროგნოზზე, საკუთარი მოსაზრებები, "ლემონს დეველოპმეტი"-ს (lemons.ge) დამფუძნებელმა და ბიზნეს განვითარების მენეჯერმა, ირა მელიმონაძემ გაგვიზიარა.

- თქვენი დაკვირვებით, რამ გამოიწვია უძრავი ქონების გაძვირება თბილისში?

ძირითადი გამომწვევი ფაქტორები რამდენიმე მიმართულებად იყოფა:

მოთხოვნის მკვეთრი ზრდა: მიგრაციულმა ნაკადებმა (განსაკუთრებით, 2022-2023 წლებიდან) და უცხოელი ინვესტორების/მყიდველების ინტერესმა, მნიშვნელოვნად გაზარდა მოთხოვნა,როგორც ყიდვაზე, ისე გაქირავებაზე.

სამშენებლო ხარჯების გაზრდა: გლობალური ინფლაციისა და ლოგისტიკური ჯაჭვების ცვლილების გამო გაძვირდა სამშენებლო მასალები, მუშახელი და მიწის ნაკვეთები თბილისის მიმზიდველ უბნებში.

ეროვნული ვალუტის კურსი და ინფლაცია: ლარის კურსის მერყეობის და ზოგადი ინფლაციური პროცესების გამო, უძრავი ქონება მიჩნეულ იქნა დანაზოგების ინვესტირებისა და ინფლაციისგან დაცვის ყველაზე საიმედო საშუალებად. სწორედ ამის გამო, მცირე, საშუალო თუ მაღალბიუჯეტიანი ინვესტორების ყურადღება მუდმივად არის მიმართული უძრავი ქონებისკენ, ეს ფაქტორი კი, მოთხოვნას ზრდის, რაც ავტომატურად ფასის სტაბილურ ზრდას იწვევს.

- რა ტენდენციები შეინიშნება ამ მიმართულებით?

საბაზრო ფასების სტაბილიზაცია/სტაბილური ზრდა: მკვეთრი, "ნახტომისებური" ზრდის შემდეგ, ბაზარი შედარებით დარეგულირდა და ზომიერი, სტაბილური ზრდის ფაზაში გადავიდა.

უბნების დივერსიფიკაცია: ცენტრალურ უბნებში (ვაკე, საბურთალო, მთაწმინდა) ფასების პიკის გამო, მოთხოვნა და მშენებლობის ტემპი სულ უფრო მეტად გადადის გარეუბნებსა და განვითარებად რაიონებში (დიდი დიღომი, სამგორი, გლდანი და თბილისის შემოგარენი).

საიჯარო ბაზრის კორექტირება: ქირის ფასებმა მიაღწია პიკს და გარკვეულწილად დარეგულირდა, თუმცა, მაინც საგრძნობლად მაღალ ნიშნულზე რჩება, პანდემიამდელ პერიოდთან შედარებით.

ენერგოეფექტურობისა და ხარისხის მოთხოვნა და ახალი რეგულაციები სამშენებლო ნებართვებში: მყიდველი უფრო მომთხოვნი გახდა ბინების გეგმარების, ინფრასტრუქტურისა და ენერგოეფექტურობის სტანდარტების მიმართ.

- რა პროგნოზის გაკეთება შეგიძლიათ: შეუქცევადი იქნება თუ არა ეს ზრდა სამომავლოდაც?

გრძელვადიან პერსპექტივაში პროცესი შეუქცევადია (კლების ალბათობა დაბალია). თბილისში უძრავი ქონების ფასების გრძელვადიანი, მკვეთრი ვარდნა ნაკლებად სავარაუდოა. ფასები გააგრძელებს ზრდას, თუმცა, არა აგრესიული, არამედ, ინფლაციის და ეკონომიკური ზრდის თანაბარი, ზომიერი ტემპით.

გარკვეულ სეგმენტებში (მაგალითად, ძველ აშენებულ ან არალიკვიდურ ბინებზე), შესაძლოა, მოთხოვნის/ფასის მცირედი კორექტირება მოხდეს, თუმცა, ახალაშენებულ, თანამედროვე პროექტებზე ფასების ზრდის ტემპი შენარჩუნდება და დროთა განმავლობაში კიდევ უფრო სატაბილური იქნება.

]]> ვინ ყიდულობს უძრავ ქონებას ბათუმში? - ინტერვიუ დეველოპერთან https://internationalinvestment.biz/ka/business/9000-httpsinternationalinvestmentbizkabusiness9000-html.html https://internationalinvestment.biz/ka/business/9000-httpsinternationalinvestmentbizkabusiness9000-html.html https://internationalinvestment.biz/business/9000-httpsinternationalinvestmentbizkabusiness9000-html.html Tue, 27 Oct 2026 13:30:49 +0300 index ისრაელი, თურქეთი, უკრაინა, რუსეთი, ბელარუსი, ახლო აღმოსავლეთისა და სპარსეთის ყურის ქვეყნები- ასეთია იმ ქვეყნების ჩამონათვალი, რომელთა მოქალაქეებიც აჭარაში უძრავი ქონების შეძენით არიან დაინტერესებული. REA Investment-ის დამფუძნებელი ირმა მახარაძე აცხადებს, რომ ბათუმის უძრავი ქონების ბაზარზე მყიდველები განსაკუთრებით სპარსეთის ყურის ქვეყნებიდან გააქტიურდნენ, თუმცა, კვლავ სტაბილური რჩება რუსულენოვანი მყიდველების რაოდენობა.

"ჩვენი კომპანიის გამოცდილებით, ბოლო პერიოდში განსაკუთრებით შესამჩნევია ევროპული ბაზრებიდან მომართვიანობის ზრდა. რუსულენოვანი მყიდველების ინტერესი კვლავ სტაბილურია, თუმცა, მკვეთრ მატებას ამ ეტაპზე ვერ გამოვყოფდით. ყურადღებას იმსახურებს სპარსეთის ყურის ქვეყნებიდან ინტერესიც, როგორც საინვესტიციო, ისე პირადი დასვენებისთვის განკუთვნილი უძრავი ქონების მიმართ." - აცხადებს ირმა მახარაძე.

REA Investment-ის დამფუძნებელი მიიჩნევს, რომ მთავარი სწორედ მოთხოვნის მრავალფეროვნებაა.

"ბათუმი სხვადასხვა ქვეყნისა და განსხვავებული მიზნების მქონე მყიდველებისთვის მიმზიდველი მიმართულებაა. ეს ბაზარს უფრო ფართო შესაძლებლობებს უქმნის და მის გრძელვადიან განვითარებას უწყობს ხელს."

ირმა მახარაძე, ასევე ამბობს, რომ უცხოელ მყიდველებს ზღვისპირა ქალაქში, ძირითადად, საინვესტიციო მიზნები აქვთ და ბინებს გაქირავებიდან შემოსავლის მიღებისა და ქონების ღირებულების ზრდის მოლოდინით ყიდულობენ.

"განსაკუთრებით საინვესტიციო მიზნებზე არიან ორიენტირებული ევროპისა და ისრაელის მყიდველები. უკრაინის, რუსეთისა და ბელარუსის მოქალაქეებისთვის კი ინვესტიციასთან ერთად მნიშვნელოვანია აპარტამენტის საკუთარი დასვენებისთვის გამოყენებაც."

რა ტიპის ბინებზეა მოთხოვნა?

REA Investment-ის დამფუძნებელი ამბობს, რომ მოთხოვნა განსაკუთრებით მაღალია სტუდიოს ტიპის ბინებისა და ერთსაძინებლიანი აპარტამენტების შემთხვევაში.

"მთლიან ბაზარზე გაყიდვებში საშუალო და ბიუჯეტური სეგმენტები ლიდერობს, თუმცა, ეს განაწილება მხოლოდ უცხოელების შესყიდვებს არ ასახავს. უცხოელი მყიდველების ინტერესის შეფასებისას მთავარი განსხვავება სწორედ შეძენის მიზანია - შემოსავლის მომტანი ინვესტიცია, დასასვენებელი ბინა, ან ამ ორი შესაძლებლობის გაერთიანება."

Colliers Georgia-ს უახლესი კვლევის მიხედვით, 2026 წლის სექტემბერში, ბათუმში, საცხოვრებელი ბინების ტრანზაქციების რაოდენობა წლიურად (2025 წლის სექტემბერთან შედარებით) 10.4%-ით შემცირდა, თუმცა, ბაზრის ჯამური ღირებულება 0.9%-ით გაიზარდა და 107 მილიონ აშშ დოლარს მიაღწია. ბათუმის უძრავი ქონების ბაზარი კვლავ მნიშვნელოვნადაა დამოკიდებული საერთაშორისო მოთხოვნაზე. სექტემბერში ტრანზაქციების 48% სწორედ უცხოელ მყიდველებზე მოდიოდა.

]]> თბილისი Google-ის 2026 წლის ყველაზე ტრენდულ სამოგზაურო მიმართულებებს შორის დასახელდა https://internationalinvestment.biz/ka/tourism/8999-google-2026.html https://internationalinvestment.biz/ka/tourism/8999-google-2026.html https://internationalinvestment.biz/tourism/8999-google-2026.html Tue, 27 Oct 2026 13:30:22 +0300 index Google-ის საძიებო სისტემაში, ტერმინით - "2026 წლის ყველაზე ტრენდული მიმართულება" - ძიებისას, თბილისი მსოფლიოს წამყვან პოპულარულ ქალაქებს შორის (ჩიკაგოსთან და მადეირასთან ერთად) მოხვდა, რაც ტურისტული ინდუსტრიის წარმომადგენლების შეფასებით, მის კულტურულ და გასტრონომიულ მიმზიდველობას უსვამს ხაზს.

"ტურიზმის ადმინისტრაციის მხარდაჭერით, ყოველწლიურად ტარდება გამოფენები ევროპის და აზიის ქვეყნებში. სწორედ ქართული ტურიზმის პოპულარიზაციამ იქონია დიდი გავლენა ამ შედეგზე, რომ დღეს ჩვენი ტურისტული ინდუსტრია მსოფლიოში საპატიო ადგილს იკავებს. საქართველოს ცნობადობა გაზრდილია და ქვეყანას სულ უფრო მეტი ვიზიტორი სტუმრობს. ეს სასიკეთო გავლენას ახდენს, როგორც საქართველოს ეკონომიკაზე, ზოგადად, ასევე, კერძო სექტორზე. ტურისტულ კომპანიებს გაზრდილი შესაძლებლობა გვაქვს, ჩამოსულ სტუმრებს მეტი, საინტერესო ტურისტული მიმართულება შევთავაზოთ და დედაქალაქთან ერთად, საქართველოს სხვადასხვა რეგიონებიც გავაცნოთ. ეს კი, მცირე ბიზნესს მეტ სტიმულს აძლევს, სხვადასხვა ტურისტული აქტივობა შექმნას და შემოსავალიც გაზარდოს. ჩვენი ქვეყანა ღირსეულად ინარჩუნებს უსაფრთხო რეგიონის სტატუსს, რაც აქ სტუმრობას და დასვენებას უფრო მიმზიდველს ხდის". - განაცხადა სიახლის კომენტირებისას ტურისტული კომპანია "დინა თრეველი"-ს დამფუძნებელმა, ნატო ქართველიშვილიშვილმა.

დედაქალაქში ტურიზმის ინდუსტრია ამ აღიარებას მიმდინარე წელს რამდენიმე მსხვილი საერთაშორისო ღონისძიებით შეხვდა. კერძოდ, 23-25 ოქტომბერს დედაქალაქმა მასშტაბურ საერთაშორისო ფორუმს - "Welcome Tbilisi - 2026"-ს უმასპინძლა. ღონისძიებამ სლოგანით, - "უძველესი ქალაქი, თანამედროვე ხედვა", ტურიზმის, ინვესტიციების, გასტრონომიისა და კინოინდუსტრიის წარმომადგენლები გააერთიანა. 24-25 ნოემბერს კი,"ექსპო ჯორჯიაში", ქვეყნის მთავარი ტურისტული სამიტი - "ტურისტერი 2026" გაიმართება. წლევანდელი შეხვედრის მთავარი თემები ხელოვნური ინტელექტის (AI) ინტეგრაცია და სტუმარ-მასპინძლობის ტექნოლოგიები იქნება.

და მაინც, ყველაზე პოპულარულია ტრადიციული დღესასწაულები, განსაკუთრებით კი, "თბილისობა". ასე იყო წელსაც, როდესაც ოქტომბრის დასაწყისში დედაქალაქმა "თბილისობა 2026“-ის სახალხო დღესასწაულს უმასპინძლა. ღონისძიებას ათასობით ადგილობრივი და უცხოელი სტუმარი ესწრებოდა.

ამავდროულად, აღსანიშნავია ისიც, რომ თბილისი კვლავ რჩება ქვეყანაში ჩამოსული საერთაშორისო ვიზიტორების ყველაზე პოპულარულ ლოკაციად, სადაც ტურების წილი, შიდა ბაზარზეც, სტაბილურად მაღალია.

]]>