ლობალური ანგარიშები: რა ხდება უძრავი ქონების ბაზარზე

ფოტო: unsplash.com
უძრავ ქონებაზე ფასების ზრდამ და საკრედიტო განაკვეთების მატებამ შეიძლება შეამციროს მოთხოვნა საცხოვრებელზე

მსოფლიოში კვლავ იგრძნობა კოვიდ-პანდემიის გავლენა, მაგრამ ბევრი შეზღუდვა უკვე მოხსნილია. დღის წესრიგში უფრო მნიშვნელოვანი მოვლენები დადგა. უკრაინაში კონფლიქტმა მნიშვნელოვანი გავლენა მოახდინა ეკონომიკაზე და, რა თქმა უნდა, უძრავი ქონების ბაზარზე.

Global Real Estate Perspective აღნიშნავს, რომ ბაზარზე ყველაზე მთავარ «მოთამაშედ» რჩება გაურკვევლობა. ნარჩუნდება გეოპოლიტიკური პრობლემებითა და ინფლაციის ზრდით გამოწვეული შიშები. ამასთან, 2021 წლის მეოთხე კვარტლიდან ნარჩუნდება საოფისე ფართებზე ზრდა. იზრდება ქირის ფასიც. საინვესტიციო აქტივობა 2021 წელს 54%-ით გაიზარდა და 1,3 ტრილიონ დოლარს მიაღწია. კომერციული უძრავი ქონების ბაზრის განვითარების პოტენციალი დიდია, მაგრამ რისკებმა შეიძლება ხელი შეუშალოს მის რეალიზაციას.

კომპანია ReportLinker-მა ანგარიში უკრაინის მოვლენებამდე მოამზადა. მონაცემთა ანალიზის შემდეგ მკვლევარები მივიდნენ დასკვნამდე მსოფლიო უძრავი ქონების ბაზრის 10,5%-ით მოსალოდნელი ზრდის შესახებ – 2021 წლის $3386,11 მილიარდიდან $3741,06 მილიარდამდე 2022 წელს. მართალია, ამისთვის საჭირო იყო სტაბილური ეკონომიკური ზრდა, რომელიც უკვე იგეგმებოდა. ახლა სიტუაცია, სამწუხაროდ, სხვაგვარია. ფასების მკვეთრი ზრდა და ინფლაცია ზიანს აყენებს დეველოპერებს, მყიდველებსა და დამქირავებლებს. აშშ-ს სახლმშენებელთა ეროვნული ასოციაცია აღნიშნავს, რომ სამშენებლო მასალებზე ფასები წელიწადში 22%-ით გაიზარდა. ხე-ტყის მასალებზე ფასებმა 40%-ით მოიმატა. NAHB-ის მთავარი ეკონომისტი რობერტ დიტცი მიიჩნევს, რომ უკრაინის კონფლიქტთან დაკავშირებით შესაძლებელია იპოთეკურ სესხებზე უფრო მაღალი განაკვეთები. ეს შეამცირებს საცხოვრებელზე მოთხოვნას 2022 წლის განმავლობაში.
ესპანეთში საცხოვრებელზე ფასები 34%-ით გაიზარდა, თურქეთში – 20%-ით. გერმანიის ახალაშენებული შენობები 22%-ით გაძვირდა, სახლები აშშ-ში – 13%-ით. დიდი ბრიტანეთის უძრავი ქონების ღირებულება 11%-ით გაიზარდა.

Bloomberg Economics იუწყება, რომ უკრაინის მოვლენები უზარმაზარ რისკებს შეიცავს მსოფლიო ეკონომიკისთვის. მდგომარეობის შეცვლა შეუძლია მხოლოდ საომარი მოქმედებების სწრაფ შეწყვეტას. გაჭიანურებული კონფლიქტი სერიოზულ დარტყმას მიაყენებს მსოფლიო ბაზრებს. შესაძლებელია ევროპაში გაზის მიწოდების შეწყვეტა, ნავთობის ბაზრების გადაორიენტირება.

საბერძნეთსა და დიდ ბრიტანეთში ამცირებენ გადასახადებს უძრავი ქონების მესაკუთრეებისთვის, გერმანიაში გაამკაცრეს მოთხოვნები ახალაშენებული შენობების მიმართ. საფრანგეთის მთავრობა უკვე განიხილავს სასურსათო ვაუჩერების შემოღების იდეას, რათა დაეხმაროს «ყველაზე მოკრძალებულ შინამეურნეობებსა და საშუალო კლასს». ხომ მზარდი ფასები გაზსა და დიზელის საწვავზე მოქმედებს, მათ შორის, პროდუქტების ღირებულებაზე.